上年結左婚，你搵到固然好，唔係黎呢邊都好多女
不過好多台山，開平果面嘅人，都係識講廣東話不過唔係母語
呢邊唔怕無女識架，好多大陸台灣妹添，講真真係識中文已經夠哂

之前套現左一筆錢,諗住今年係呢邊買屋先~
唔係到我過左黎先買就太遲,房價已經唔知升到去邊~
有冇平靚正既區推薦下???

成個灣區都好貴，睇你預算到幾多
我建議你睇下Hayward,San Leandro,concord果邊
因為近三藩市，過條橋就係，治安還好，屋崙最差勸你唔好諗
三藩市到矽谷區都起碼過百萬，除非你手頭上夠，唔係好難上車

想買san mateo,因為我家姐都係美國住緊,佢住san mateo
但睇完d房價就得個睇字~
美國d物價都幾甘...

今日睇左綠水兄介紹果3個區 初步揀左San Leandro
佢房價比san mateo低 唔錯
依家要盡快買 d錢係銀行日日貶值

啱呀，所以fanyu兄你趕快過去上車，過多兩年真係唔知乜野世界

02兄都盡快走啦~為下一代著想~
移民既條件只會不斷收窄~
再遲d走就難上加難~

?我都就走喇，我走佬去馬拉
先用 Working Visa 過去，有朋友請我過去幫佢手
過多兩年用MM2H
我9月正適離開了

香港真係唔留得，下一代搵食艱難 ，唯有我為他們打造一個新平台 ，希望可以活得開心過香港?

馬拉都好正~
生活水平好好多~!!
最重要遠離中共魔爪~
條逃犯例就快要通過..

對呀，政治係我第 一考慮因素
這個地方已不再是我地認識的了，真係好陌生
雖然果邊都好多華人，不過同香港的真係兩個世界嘅人
說話客氣，不大聲對話，不會四處掉垃圾，不四處吐痰
最不好的只係節拍慢，踢一腳喐一腳

果邊洗費比較香港平，香港日常生活洗費，果邊已可過中產生活