「台灣第一名模」林志玲日前突然宣布閃婚，下嫁日本天團EXILE成員AKIRA，呢個消息除咗震驚一眾粉絲，仲搞到網站冧Server！不過相信收到消息最大打擊嘅，都係曾經被熱傳同林志玲復合嘅言承旭......佢哋嘅戀情兜轉17年，言承旭更被爆視林志玲為一生中最愛，但最終都未能修成正果。

雖然佢當日收到消息時，就大方向舊愛送上祝福，但佢近日現身機場時心情就似乎麻麻。言承旭以一身全黑打扮上陣，仲戴埋帽同口罩包到冚，相當低調。佢全程一言不發低頭急步行，粉絲們亦好似知道偶像「受情傷」，所以默默咁跟住佢行。網友都話此情此景，完全明白晒「愛人結婚了，新郎不是我」有幾咁Hurt！仲話言承旭呢個孤寂嘅背影好催淚，希望佢都早日搵到屬於自己嘅幸福！