2014年港姐季軍嘅何艷娟，早前先宣佈完同現年67歲嘅澳博高層吳志誠離婚，之後就傳出已經火速撻著現年55歲家族坐擁逾200億身家嘅陳燿璋（Anson），二人更喺派對中態度親暱。

人地話女大十八變，原來連何艷娟都一樣。早前有人向傳媒提供幾張何艷娟年輕時英國留學嘅照片。當時佢同一班同學企埋一齊穿著住運動服。單眼皮、臉圓圓加上紥起一條馬尾，個樣都可以話係幾可愛嘅女生，不過爆料人就話何艷娟當時對自己個樣唔係好滿意，佢仲成日拎住范冰冰啲相喺到睇。之後，放完暑假9月返英國，何艷娟就變咗有雙眼皮，同埋個鼻都高咗。爆料人更表示以前仲係學生嘅何艷娟，著運動服時鍾意露下肉，賣弄小小性感，俾自己身旁嘅觀音兵。

現年27歲嘅何艷娟情史多多，一年之間又離婚又新戀情。但佢工作量一直唔多，一直都冇被無綫重用，而家都係間唔中喺《愛·回家之開心速遞》見到佢嘅演出，但偏偏佢就越嚟越富有，越攀越高，男友越嚟越有錢！何艷娟仲貫徹作風，每次都係帶自己媽咪去見唔同嘅富商男朋友，同埋周遊列國。據知何艷娟細個被媽咪送往英國留學時都幾反叛，走堂留堂及逃學佢都試過，不過就係因為媽咪，所以佢決定勤力讀書唔再令身邊人擔心及痛心，最終佢畢業於香港大學法律系，更以三級榮譽畢業。

究竟佢有冇微調到個樣？咁就真係一個