近年不時有關資深演員李兆基（基哥）健康情況嘅報導，受病痛困擾嘅佢積極接受治療，今日得知因病離世嘅消息，深感難過。基哥人生本來就充滿戲劇性，後生時做過「慈雲山十三太保」又吸過毒，後來改邪歸正，成為演員嘅佢拍過無數香港電影，由惡人、社團大佬、喜劇演員同慈父，每次演出令人難忘！

上國際權威電影資料庫IMDB網站一睇，基哥嘅電影資歷非常可觀（係！基哥喺IMDB有一版！)，從影以來參演過95部電影，監製過29部戲，編寫都有10部，仲未計大量義氣幫忙嘅作品，長長一頁紀錄，係佢身為港產片重要一員嘅証明。

查看相片
【李兆基逝世】霸氣又好笑 幾個基哥經典角色
更多
「四大惡人」之一嘅李兆基以惡人角色起家，《古惑仔》入面嘅社團大佬「吹水基」廣為人知，但正正因為呢個形象，佢拍喜劇出嚟嘅反差效果好強勁！我地最鍾意應該都係基哥嘅喜劇演出。好似喺《食神》入面飾演「鵝頭」，同莫文蔚嘅雞姐係對頭人，兩個因為一粒「爆漿瀨尿牛丸」而破冰，試食過後更拍出經典沙灘慢鏡頭一幕！

查看相片
【李兆基逝世】霸氣又好笑 幾個基哥經典角色
更多
「從來冇試過咁清新脫俗嘅感覺，牛肉嘅鮮味，瀨尿蝦嘅甜味，結合一齊嘅味道竟然比老鼠斑有過之而無不及，比我嘅初戀更詩情畫意。所謂舉頭望明月，低頭思故鄉，好詩好詩」。夠膽叫基哥咁拍嗰個好嘢，不顧身世演得夠放嘅基哥更好嘢。

仲有《行運一條龍》飾演茶仔伙記「基哥」，平日妙論天文地理，一班伙記吹水講起「佢居然話巴西首都係利智喎，稍為有地理常識都知，利智對胸再大，都唔會係巴西首都啦！」。我認為呢句經典過《行》成日有人講嗰句「初四咁嘅樣」。

查看相片
【李兆基逝世】霸氣又好笑 幾個基哥經典角色
更多
仲有《喜劇之王》客串做收佗地大佬，面對「甜筒輝」嘅挑釁，「小基基」被彈，面對手持雙刀衝埋嚟「甜筒輝」都不為所動，霸氣得嚟又好好笑！

查看相片
【李兆基逝世】霸氣又好笑 幾個基哥經典角色
更多
喜劇之外，基哥做正劇都一樣出色。喺電視劇《縱橫四海》飾演崔瑞基，同歐錦棠、林偉健做父子，身為市井小市民嘅佢吓貪小恩小惠，但對於兒子義無反顧，每次有事想盡辦法營救，對街坊明星（葉德嫻 飾演）多年來密密守護不求回報，充份發揮鐵漢柔情。

基哥，我地會記得你，一路好走！

好懷念他的影片

我覺得在港片來說
基哥是個很經典的人物
看似凶狠實際卻很搞笑

又少一個惡人...

R.I.P.
基哥一路好走